Еуразиялық Мәдени Альянс Алматыдағы Нұрмақов 79 мекенжайындағы EGIN мәдениет орталығында өткен суретші Ақзел Бейсембай Biz Bar Edik көрмесін ұсынады.

Қыркүйек айында фестивальдің паблик-арт бағдарламасы аясында Бейсембай табиғат рухтарының мемориалдық мүсіндерін ұсынды, оларды Лермонтов театрына жақын орналасқан құрғақ ағаштың бұтақтарына орнаттық. Шығарма отарлау кезінде өзгерген және зардап шеккен флора мен фаунаны бейнелеп, империялардың қоршаған ортаға тигізген әсері туралы баяндады. Ағашты кейін кесіп тастап, мүсіндерді қала тұрғындары алып кеткен. Бұл жағдайды суретші өзінің жеке көрмесі арқылы түсінуге тырысады.